O lenei tupe nono e $10 piliona o le a totogi ai le fa’afouina ma le fa’aleleia o fale-a’oga o A’oga uma a le Malo o Kalefonia, o nisi o fale-a’oga ua pala, limulimua, tutulu, ma isi a’afiaga faigata, ona o le leai o se tupe. O le Anavatau 2 o le a si’itia ai le fa’asoaina o le alaga tupe mo a’oga a le itumalo o lo o maualalo le tau fuafuaina o tupe maua, ma o lo o maualuga le fuainumera o tamaiti a’oga o lo o a’oa’oina ai le gagana Igilisi, toe tulaga maualalo i le tamaoaiga po o tamaiti e nonofo i aiga  tausi. O A’oga mai le vasega K-12 o le a latou mauaina le $8.5 piliona, ma o le $1.5 piliona o le a fa’aaogaina mo Kolisi fa’a–Itumalo.

O lenei suiga fa’ale-tulafono o le a ave’esea ai le gagana ua le o toe fa’aaogaina mai le Anavatau 8, sa pasia i le palota o le 2008, o lo o fa’amatalaina ai le fa’aipoipoga i le va o le tane ma le fafine.

O lenei Tupe Nono e $10 piliona o le a totogi ai poloketi mo vai (puipuia o vai taumafa, toe fa’aleleia le vai e toe fa’aaoga, malu puipuia vai’eli, ma le lolovaia), o le puipuia mai afi mu, puipuia mai le si’isi’i o le sami, fausia o paka, puipuia manu tata’a ma o latou apitaga, ma fa’ailoa le tulaga matuia o le vevela.

O le a avea lea ma avanoa e tu’u ifo ai i lalo le aotelega o le palota e tatau ai mai le lua-vae-tolu (66.67%) i le 55% mo matagaluega fa’a-itumalo e fa’atagaina tupe nono po o le fa’atinoga o se lafoga fa’apitoa mo poloketi o falenofo taugofie ma galuega fa’alaua’itele. O le Anavatau 5 o se toe Iloiloga taua e fa’ailoa ai le a’afiaga o falenofo i totonu o le tatou setete. O le a tu’uina atoa ai i le ‘au palota le malosi e saili tupe ai mo falenofo taugofie ma galuega fa’alaua’itele e pei o vai, auala, ma fa’alema’i - o nei vaega taua e o lo o va’aia ai le aga’i i tua o la tatou setete ma afaina ai o tatou nu’u. O le a fa’a-faigofie e le Anavatau 5 ona fausia ni falenofo taugofie o lo o tatou mo’omia ma fa’aleleia nisi galuega ua leva  ona tatau ona fa’aleleia mo o tatou nu’u. 

O lenei mau i le suiga o le tulafono o le a taofia ai le fa’aaoagina o le konekarate galue e avea ma fa’asalaga mo solitulafono i totonu o le to’ese. O le Anavatau 6 o le a malosi lona fa’atinoga e tete’e atu i le fa’ailoga tagata o lo o matamata tetele i totonu o le tatou galuega fa’a-fa’amasinoga mo le sailia o le  amiotonu. O le avea lea ma ala e lagolagoina ai le toe fa’aleleia o le ‘au nofo sala ma fa’atulaia ai Kalefonia i se la’asaga e matua’i tutusa ma amiotonu mo tagata uma.

O le a si’itia ai le totogi amata i le setete mai le $15/itula i le $18/itula mo tagata faigaluega uma i totonu o Kalefonia.

O le a toe mafai ai ona apili le tulafono o le Costa-Hawkins Rental Housing Act (1995) lea sa saisaitia ai le malo fa’a-itumalo e faia nisi aiaiga talafeagai mo le puipuia o faletotogi mo a’iga nofo ta’ito’atasi ma falenofo totogi fou. O lenei tulafono tuai ua afaina ai tagata e nonofo i fale totogi mai le le alofa ma le le mautonu o lo o aofia i totonu o si’itagai mai kamupani ma pule o fale.

O le tu’ua’i lea mai le Asosi o Fale Totogi i Kalefonia e aga’i i le Fa’alapotopotoga o le Tausi Soifua o le AIDS, ma le fa’amoemoe e taofia lenei fa’alapotopotoga mai le fa’atupeina o le puipuia o aiaiga o le tau o fale totogi i le lumana’i.

O lenei anavatau, o lo o lagolagoina e le Kamupani o le Tausi Soifua a Kalefonia mo le sa’ilia o tupe mo le Inisiua Tausi Soifua a Kalefonia. O le Anavatau 35 o le a fa’amautinoa ai le mafai ona maua gofie e tagata o lo o i ai i le Inisiua Tausi Soifua a Kalefonia, le taugofie o le tausiga o le soifua maloloina. O le a fesoasoani vave mo le fa’atupeina o fale-ma’i faitele i totonu o le setete atoa. Ae peita’i, e ono a avea lenei mau ma ala e afaina ai le fa’atupeina o fa’alapotopotoga tausi soifua fa’a-itumalo ma o latou pa’aga, o lo o fai ma nofoaga e saili fesoasoani i ai i latou o lo o i lalo o le Inisiua Tausi Soifua a Kalefonia.

LeaiO lenei anavatau, o le a fa’aleaogaina ai tulafono ua i ai nei o lo o aga’i i le fa’aitiitia ma le toe fa’aleleia o soligatulafono. O lenei mau o le a fa’ateleina ai le ta’usalaina o le tagata ua gasegase i fuala’au ma le tagolima, fa’ateleina ai ma le fa’a-falepuipuiina, ma fa’aitiitia ai alagatupe mo a’oa’oga, soifua maloloina o le mafaufau, ma le taofia o le nofo maumausolo. O lenei anavatau, o lo o fa’asino tonu i le fou ma le matuia o fa’asalaga mo tagata o lo o umia fauala’au fa’asaina. E tatau ona tatou mata’itu le soifua maloloina ma ona lu’itau mo le fa’atupeina, e mafua ai ona tosina le tagata e fa’atino le solitulafono po o le liliu i le fa’aaogaina o fuala’au, nai lo o le inivesi i fa’asalaga fa’alaua’itele. E le o lagoina e o tatou tagata le saogalemu i le taimi nei, ma o le Anavatau 36 o se ta’utinoga tau fa’asese. E matua’i taugata le Anavatu 36, e tatou te afaina ai, ma o se toe fa’ase’e i tua o le pupuiga o le mamalu lautele o tagata.